ជិះម៉ូតូលឿនមិនប្រយ័ត្ន បុកគោយន្តច្នៃ ខូចតាមផ្លូវពីក្រោយ បណ្តាលឲ្យស្លាប់ម្នាក់នឹងរងរបួសម្នាក់
20-November-2017 | ដោយ ពលមនសិការ
ឧត្តរមានជ័យ ៖ កាលពីថ្ងៃទី១៩ ខែវិច្ឆិកា ឆ្នាំ២០១៧ វេលាម៉ោង១៧នឹង១៥នាទី មានករណីគ្រោះថ្នាក់ចរាចរណ៍មួយរវាងរម៉ូតូ និងគោយន្តច្នៃ ក្នុងទិសដៅស្របគ្នា ពីត្បូងទៅជើង គោយន្តខូចកំពុងជុសជុល ម៉ូតូបើកលឿនបុកគូទគោយន្ត នៅលើផ្លូវជាតិលេខ ៦៨ ចន្លោះបង្គោលគឺឡូម៉ែត្រលេខ ៨៣-៨៤ ភូមិថ្នល់បត់ សង្កាត់កូនក្រៀល ក្រុងសំរោង ខេត្តឧត្តរមានជ័យ។
សមត្ថកិច្ចបានឲ្យដឹងថាជនរងគ្រោះទី១-អ្នកបើកបរម៉ូតូឈ្មោះ រ៉ា ប៊ុនឃាង ភេទប្រុស អាយុ ១៤ ឆ្នាំ នៅភូមិទួលស្វាយ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ( ស្លាប់) មិនពាក់មួកសុវត្ថិភាព ទី២-អ្នករួមដំណើរឈ្មោះ ពេជ្រ ឆុង ភេទប្រុស អាយុ ១៩ ឆ្នាំ នៅភូមិថ្មី ឃុំអន្លង់វែង ស្រុកអន្លង់វែង ខេត្តឧត្តរមានជ័យ (របួសស្រាល)មិនពាក់មួកសុវត្ថិភាព ទី៣-អ្នកបើកបរគោយន្តឆ្នៃឈ្មោះ សេង ស៊ន់ ភេទប្រុស អាយុ ១៩ ឆ្នាំ នៅភូមិពុរ សង្កាត់សំរោង ក្រុងសំរោង ខេត្តឧត្តរមានជ័យ។
សម្ភារៈខូចខាតៈ ម៉ូតូខូចធ្ងន់មួយគ្រឿង គោយន្តច្នៃខូចស្រាលមួយគ្រឿង។ មូលហេតុៈ បើកបរម៉ូតូក្នុងល្បឿនលឿន។
បច្ចុប្បន្ន សពជនរងគ្រោះត្រូវបានសមត្ថកិច្ច ប្រគល់ជូនក្រុមគ្រួសារយកទៅធ្វើបុណ្យតាមប្រពៃណី រីឯម៉ូតូនឹងគោយន្តច្នៃ ត្រូវបានសមត្ថកិច្ចជំនាញ យកមករក្សាទុករងចាំដោះស្រាយគ្នាទៅតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ2701
- ម្សិលមិញ10851
- សប្តាហ៍នេះ69221
- ខែនេះ184371
- ឆ្នាំនេះ184371
- សរុប20626827